Bodyline ආයතනය සිය සාමාජික සාමාජිකාවන්ගේ කැපවීම අගය කරමින්, සේවා ඇගයීමේ උත්සවයක් පසුගියදා උත්කර්ෂවත් අන්දමින් පවත්වන ලදි. වසර 5, 10, 15, 20, 25 සහ 30 යන සේවා කාල සීමාවන් සම්පූර්ණ කළ සේවා නියුක්මෙතිකයින් මෙහිදී ඇගයීමට ලක්විය. මෙම උත්සවයේදී, සිය අඛණ්ඩ කැපවීම වෙනුවෙන් සේවා නියුක්තිකයින් 1,140 දෙනෙකුට උපහාර පිරිනැමීම විශේෂත්වයකි. ආයතනය වෙනුවෙන් ඔවුන් කළ විශිෂ්ට දායකත්වය අගය කරමින්, සෑම සේවකයකුටම රන් කාසියක් බැගින් ප්‍රණාම තිළිණයක් පිරිනැමිණි. සිය වෘත්තීය මාවතේ දිරියෙන් ඉදිරියට යන සියලුම කණ්ඩායම් සාමාජික සාමාජිකාවන්ගේ කැපවීම හා වෙහෙස මහන්සිය වෙනුවෙන් Bodyline ආයතනය සිය හෘදයාංගම කෘතඥතාව පල කර සිටී.
Author: Diyani Editors
2025 ශ්‍රී ලංකා වෙළඳ සේවා වොලිබෝල් ශූරතාවලියේ සියලුම කාණ්ඩවල ශූරයන් බවට පත්වූ අපගේ සියලුම ක්‍රීඩකයින්ට සුබ පැතුම්.
MAS Kreeda campus පරිශ්‍රය ශ්‍රද්ධා භක්තියේ මහා ආලෝකයන් පසුගියදා ඒකාලෝක විය. ඒ, සේවා නියුක්තිකයින් සහ ඔවුන්ගේ පවුල්වල සාමාජිකයින්ගේ සහභාගීත්වයෙන් සංවිධානය කර තිබූ සර්ව රාත්‍රික පිරිත් සජ්ඣායනා මංගල්‍යය හේතුවෙනි. සාමූහික ශක්තියෙන් හා භක්තියෙන් යුතුව සංවිධානය කරන ලද මෙම මංගල්‍යය, සහභාගී වූ සියලු දෙනාගේ සිත් සතන් පහන් කරමින්, ඔවුන්ගේ අධ්‍යාත්මික ජීවිතයට නව පිබිදීමක් එක් කළේය. මෙම මංගල්‍යය, සාම්ප්‍රදායික බෙරවාදකයන්, නර්තන ශිල්පීන් සහ සංස්කෘතික අංගයන්ගෙන් සමන්විත වූ අතර එය මෙම උත්සවයට විචිත්‍රවත් වර්ණයක් හා ශක්තියක් එක් කළේය. රාත්‍රිය පුරා නොනැවතී ගලා ගිය පිරිත් දේශනාවේ මහානුභාව සම්පන්න හඬ, සැමගේ සිත් සතන් සුවපත් කරමින්, සැනසිලිදායක අධ්‍යාත්මික සුවයක් රැගෙන ආවේය. පසුදා උදෑසන වැඩසටහන අවසන් වූයේ ගෞරවනීය භික්ෂූන් වහන්සේලා…
පරිසර සංරක්ෂණයට ගත් වැදගත් පියවරක් ලෙස, MAS Kreeda Shadeline ආයතනය මහවැලි අධිකාරියේ මහියංගණ ප්‍රාදේශීය කාර්යාලය සමඟ එක්ව, රක්ෂිත ප්‍රදේශවල පාරිසරික සමතුලිතතාවය ඉහළ නැංවීම අරමුණු කරගත් ආක්‍රමණශීලී ශාක ඉවත් කිරීමේ වැඩසටහනක් දියත් කරන ලදි. මෙම උත්සාහයේ පියවරක් ලෙස, ව්‍යාපෘති කණ්ඩායම විසින් ආක්‍රමණශීලී ශාක විශේෂයක් වන ටර්පන්ටයින් ගස් වෙනුවට විවිධ වූ දේශීය ශාක රෝපණය කරමින්, කලාපයේ ස්වභාවික ජෛව විවිධත්වය යථා තත්ත්වයට පත් කිරීමට කටයුතු කරන ලදි. මෙම පාරිසරික ප්‍රතිෂ්ඨාපන වැඩසටහනේ පළමු අදියර ලෙස, MAS Kreeda Shadeline ආයතනය විසින් කුඹුක් ගස් 400ක්, මී සහ දොඹගස් 150ක්, කළුවර ගස් 30ක්, සහ කරඳ ගස් 20ක් පරිත්‍යාග කරන ලදි. මෙම වගාවන් හරහා ශ්‍රී ලංකාවේ සංරක්ෂිත ප්‍රදේශවල…
UNFPA ශ්‍රී ලංකා ආයතනයේ සහයෝගය ඇතිව ඇඟලුම් අංශයේ කාන්තාවන් සඳහා ගොඩනගන ලද ප්‍රථම සුවතා මධ්‍යස්ථානය, UNFPA ශ්‍රී ලංකා හි නව වැඩබලන නිලධාරී පුන්ත්ෂෝ වංග්යෙල් (Phuntsho Wangyel) මහතාගේ ප්‍රධානත්වයෙන් කිලිනොච්චියේදී පසුගියදා විවෘත කරන ලදි. මෙම ව්‍යාපෘතිය UNFPA ශ්‍රී ලංකා, MAS Holdings, ජපාන රජය සහ ශ්‍රී ලංකා රතු කුරුස සංගමය එකමුතුවෙන් මෙහෙය වන ලදි. මෙරට ප්‍රධාන පෙළේ කර්මාන්ත ක්ෂේත්‍රයක් වන ඇඟලුම් ක්ෂේත්‍රය බලගන්වන ශ්‍රම බලකායට ගෞරවය මෙන්ම සෞඛ්‍යය සහ අවස්ථා ලබා දීම මෙහි මූලික අරමුණයි. ඇඟලුම් ක්ෂේත්‍රයේ සේවය කරන 350,000 කට අධික ජනතාවගෙන් බහුතරය කාන්තාවන් වේ. මෙම මධ්‍යස්ථානය ඔවුන්ට ආරක්ෂාව හා සහයෝගය ලබා දෙමින්, මානසික සෞඛ්‍යය, ප්‍රජනක සෞඛ්‍යය, හිරිහැර සහ ප්‍රචණ්ඩත්වය වැනි…
කාන්තා රෝග නිවාරණය සහ යහපැවැත්ම වෙනුවෙන් MAS Kreeda Balangoda ආයතනය විසින් වාර්ෂිකව සංවිධානය කරනු ලබන සෞඛ්‍ය සහ සුවතා වැඩසටහන පසුගියදා ආයතන පරිශ්‍රයේදී සාර්ථකව පවත්වන ලදි. එහි මූලික අරමුණ වූයේ සෞඛ්‍යය ප්‍රවර්ධනය කිරීම, අනාගතයේ ඇතිවිය හැකි සෞඛ්‍ය ගැටලු කල් ඇතිව හඳුනා ගැනීම සහ නිරෝගී ජීවන රටාවක් පවත්වා ගැනීම පිළිබඳ අධ්‍යාපනය ලබා දීමයි. මෙම සායනයේදී Pap smears, mammograms, රුධිර පීඩනය සහ කොලෙස්ටරෝල් ආදී පරීක්ෂණ රැසක් සිදුකර ගැනීමට අවස්ථාව හිමිවීම විශේෂත්වයකි. එම සුවිශේෂී අවස්ථාවේ ඡායාරූප කිහිපයක් පහළින්.
රන්දික ප්‍රනාන්දුගේ නායකත්වයෙන් යුත් MAS කණ්ඩායම 2025 වෙළඳ සේවා බැඩ්මින්ටන් තරඟාවලියේදී විශිෂ්ට දක්ෂතා දක්වන්නට සමත් වුණා. එහිදී MAS A කණ්ඩායම Grand Slam ශූරතාව සහ සමස්ත ශූරතාව දිනාගත් අතර B කණ්ඩායම Bowl ශූරතාවලියේ අනුශූරතාවය දිනා ගත්තා.
MAS Fabrics Intimo ආයතනයේ සමාජික සාමාජිකාවන් සඳහා WGB මඟින් සංවිධානය කරන ලද තුන් මසක ඉංග්‍රීසි පාඨමාලාව පසුගියදා සාර්ථකව අවසන් කරන ලදි. එම පාඨමාලාව සාර්සථකව සම්පූර්ණ කළ සාමාජිකයින් සඳහා එහිදී සහතික ප්‍රදානය කිරීම සුවිශේෂ සිදුවීමක් විය.
2025 ශ්‍රී ලංකා වෙළඳ සේවා මේස පන්දු ශූරතාව දිනා ගැනීමට MAS කණ්ඩායම සමත් වුණා. දිරියෙන් තරග කර ජයගත් ඔවුන් සියලුදෙනාට අපගේ සුබ පැතුම්! තරගාවලියේ විශේෂ අවස්ථාවන්හි ජායාරූප පහතින්.
සෞඛ්‍යය, දැනුවත්භාවය සහ එකමුතුකම පදනම් කරගත් විශේෂ වැඩසටහනක් ලෙස, සේවා නියුක්තිකයින්ගේ දෙමාපියන් උදෙසා අර්ථවත් ‘පවුලේ දිනයක්’ සංවිධානය කරන්නට MAS Intimates Vidiyal ආයතනය පසුගියදා සමත් විය. මෙම වැඩසටහනට නොමිලේ පැවැත්වූ වෛද්‍ය සායන මෙන්ම, ‘ලිංගිකත්වය පදනම් කරගත් ප්‍රචණ්ඩත්වය’ සහ ‘ලිංගික හා ප්‍රජනන සෞඛ්‍ය සහ අයිතිවාසිකම්’ පිළිබඳව පැවැත්වූ ඉතා වැදගත් දැනුවත් කිරීමේ සැසි කිහිපයක්ම ඇතුළත් විය. සුරක්ෂිත, සෞඛ්‍ය සම්පන්න සහ දැනුවත් ප්‍රජාවක් ගොඩනැගීම උදෙසා තැබූ ශක්තිමත් පියවරක් ලෙස මෙය හැඳින්විය හැකි අතර සේවා නියුක්තිකයින් සහ ඔවුන්ගේ පවුල් පරිසරයන්හි සාධනීය වෙනසක් ඇති කිරීමට මෙමගින් උත්සාහ ගෙන තිබිණි.