මෙවර පරිසර සතිය Silueta ආයතනය විසින් ආරම්භ කරන ලද්දේ යටිහේන මහා විද්‍යාලයේ දරුවන් සඳහා ආකර්ෂණීය දැනුවත් කිරීමේ සැසියක් සංවිධානය කරමිනි. පාසල තුළ “පරිසර නියමු” වැඩසටහන් නැවත ආරම්භ කිරීමටත් සිසුන් අතර පාරිසරික හැඟීම යළි පුබුදුවාලීමටත් මෙහිදී කටයුතු කරන ලදි.
මෙම සැසිය මෙහෙයවනු ලැබුවේ “ප්ලාස්ටික් මගින් සිදුවන පරිසර දූෂණය පරදවමු” තේමාව යටතේ ප්‍රතිචක්‍රීකරණ හා නව භාවිතයන් සඳහා නිෂ්පාදන සැකසීමේ ව්‍යවසායකයෙකු වන ජයන්ත කුමාරසිරි මහතා විසිනි. සිසුන් ප්‍රතිචක්‍රීකරණය කරන ලද නිෂ්පාදන සමඟ ප්‍රායෝගිකව අත්හදා බැලීම් කළ අතර නිර්මාණාත්මක අපද්‍රව්‍ය විසඳුම් ගවේෂණය කරමින් අර්ථවත් සාකච්ඡාවකට සහභාගී විය.
