සෞඛ්‍යය, දැනුවත්භාවය සහ එකමුතුකම පදනම් කරගත් විශේෂ වැඩසටහනක් ලෙස, සේවා නියුක්තිකයින්ගේ දෙමාපියන් උදෙසා අර්ථවත් ‘පවුලේ දිනයක්’ සංවිධානය කරන්නට MAS Intimates Vidiyal ආයතනය පසුගියදා සමත් විය.
මෙම වැඩසටහනට නොමිලේ පැවැත්වූ වෛද්‍ය සායන මෙන්ම, ‘ලිංගිකත්වය පදනම් කරගත් ප්‍රචණ්ඩත්වය’ සහ ‘ලිංගික හා ප්‍රජනන සෞඛ්‍ය සහ අයිතිවාසිකම්’ පිළිබඳව පැවැත්වූ ඉතා වැදගත් දැනුවත් කිරීමේ සැසි කිහිපයක්ම ඇතුළත් විය.
සුරක්ෂිත, සෞඛ්‍ය සම්පන්න සහ දැනුවත් ප්‍රජාවක් ගොඩනැගීම උදෙසා තැබූ ශක්තිමත් පියවරක් ලෙස මෙය හැඳින්විය හැකි අතර සේවා නියුක්තිකයින් සහ ඔවුන්ගේ පවුල් පරිසරයන්හි සාධනීය වෙනසක් ඇති කිරීමට මෙමගින් උත්සාහ ගෙන තිබිණි.
