2023/24 වසර සඳහා වූ 26 වන ජනාධිපති අපනයන සම්මාන උළෙලේදී වසරේ විශිෂ්ටතම අපනයනකරු සම්මානය ඇතුළු සම්මාන හතකින් පිදුම් ලැබීමට MAS Holdings සමත් විය. සම්මාන උළෙල ගරු ජනාධිපති අනුර කුමාර දිසානායක මහතාගේ ප්‍රධානත්වයෙන් 2025.02.07 දින කොළඹ BMICH හිදී පැවැත්විණි.
මෙම සම්මාන සඳහා සැබවින්ම ශක්තියක් වූ MAS සාමාජික සාමාජිකාවන් වෙනුවෙන් MAS JCC නායිකාවක් විසින් ගරු ජනාධිපති අනුර කුමාර දිසානායක මහතා අතින් සම්මාන ලබා ගත් අවස්ථාවේ ඡායාරූපය ඇතුළු අනෙකුත් සම්මාන ලබාගත් ඡායාරූප මෙහි ඇතුළත් වේ.
වසරේ විශිෂ්ටතම අපනයනකරු සම්මානයට අමතරව වසරේ විශිෂ්තම ශුද්ධ විදේශ විනිමය උපයන්නා, නිෂ්පාදන විවිධාංගීකරණය සඳහා විශිෂ්ටතම අපනයනකරු, අපනයන ක්ෂේත්‍රයේ තිරසාර සංවර්ධනය උදෙසා දැක්වූ විශිෂ්ට දායකත්වය, අපනයන සැපයුම් දාමයට කලාපවලින් දැක්වූ විශිෂ්ට දායකත්වය, නැඟී එන වෙළෙඳපොළවල විශිෂ්ටතම ක්‍රියාකාරී අපනයනකරු, ඇඟලුම් ක්ෂේත්‍රයේ මහා පරිමාණ කාණ්ඩයේ විශිෂ්ටතම අපනයනකරු යන සම්මානද MAS දිනාගන්නා ලදි.
