කිළිනොච්චියේ MAS Intimates Vidiyal ආයතනය විසින් යාපනය විශ්වවිද්‍යාලය, ශ්‍රී ලංකා ජර්මානු පුහුණු ආයතනය, කරච්චි ප්‍රාදේශීය සභාව හා ලේ බැංකුව සමඟ එක්ව සමාජයේ ජීවිත රැකගැනීමට සහාය වීමේ අරමුණ ඇතිව සිය කර්මාන්ත ශාලා පරිශ්‍රයේදී ලේ දන්දීම් වැඩසටහනක් සංවිධානය කරන ලදි. සේවා නියුක්තිකයින් මෙන්ම බාහිර පුද්ගලයින්ද සිය සමාජ යුතුකම පිළිබඳ කැපවීම පෙන්වමින් මෙම වැඩසටහන සඳහා මහත් උනන්දුවකින් සහභාගී විය.
කිලිනොච්චි ලේ බැංකුවේ සහතික කළ වෛද්‍ය වෘත්තිකයින්ගේ උපදෙස් යටතේ මෙම වැඩසටහන පැවැත්විණි. සිදුකරන ලද කැපවීමට ඇගයීමක් වශයෙන් සියලුම දායකයින්ට ස්තූති සටහනක් සමඟ පැළයක් තෑගි වශයෙන් ලබාදීම සුවිශේෂ සිදුවීමක් විය. MAS Intimates Vidiyal ආයතනය රැකවරණය සහ තිරසාරභාවය පිළිබඳ සංස්කෘතියක් ගොඩනැඟීම වෙනුවෙන් සිදුකරන ලද මෙම සමාජ සත්කාර්ය සැබවින්ම අගය කළ යුතු වේ.
