මාගේ හිතවත් MAS සාමාජික සාමාජිකාවනි,
මෙතෙක් ශ්‍රී ලංකා ඉතිහාසයේ පැවති සාමකාමීම මැතිවරණවලින් එකක්, පසුගියදා දැකගැනීමට හැකිවීම සැබවින්ම සතුටට කරුණකි. වසංගත කාලයන්ගෙන්, ආර්ථික හා දේශපාලන අර්බුදවලින් යුත් කැළඹිලි සහගත වසර කිහිපයකට පසුව, සාමකාමී හා ප්‍රජාතන්ත්‍රවාදී අයුරින් බලය මාරුවීම තුළින්, අපගේ රටෙහි ජනතාවගේ ශක්තිය මනාව පෙන්නුම් කරයි.
නව ජනාධිපති අනුර කුමාර දිසානායක මහතා යටතේ අපගේ රට නව නායකත්වයක් වැළඳගනිද්දී, අපි අපේ රටේ හා අපේ කර්මාන්තයේ අනාගතය ගැන මහත් බලාපොරොත්තුවෙන් මෙම නව කාලපරිච්ඡේදය දෙස බලා සිටිමු. ශ්‍රී ලංකාවේ විශාලතම පෞද්ගලික අංශයේ සේවා යෝජකයා මෙන්ම විශාලතම අපනයනකරු ලෙසින්, අපගේ වගකීම පැහැදිලිය. සැමවිටම කළ පරිදි MAS හි අපි, අපේ ගනුදෙනුකරුවන්ට සහ පාර්ශවකරුවන්ට වටිනාකමක් නිර්මාණය කිරීම කෙරෙහි තවදුරටත් අවධානය යොමු කළ යුතුය. එමගින් ශ්‍රී ලංකාවේ ආර්ථික යහපැවැත්ම වෙනුවෙන් ප්‍රමුඛ කාර්යභාරයක් ඉටු කිරීමට අපට හැකිවනු ඇත.
නොවැම්බර් මාසයේ පැවැත්වෙන මහ මැතිවරණයද සාමකාමී මැතිවරණයක් වනු ඇතැයි යන්න අපගේ බලාපොරොත්තුවයි. එය සියලු ශ්‍රී ලාංකිකයන්ගේ සංවර්ධනය හා සමෘද්ධිය සඳහා මග විවෘත කරනු ඇත. මෙම සංක්‍රාන්ති කාලය තුළ ඔබ අපගේ ආයතනයේ අගයන් නියෝජනය කරමින්, සෑම විටම නිහතමානීව හා ගෞරවයෙන් ක්‍රියා කරනු ඇතැයි මම විශ්වාස කරමි. නව රජයක් පිහිටුවීම සදහා පැවැත්වීමට නියමිත පාර්ලිමේන්තු මහ මැතිවරණය තුළින් ශක්තිමත් හා සමෘද්ධිමත් රටක් සඳහා දායක වීමේ අවස්ථාව අපි උදාකර ගනිමු.
ඔබට සහ ඔබේ ආදරණීයයන්ට මාගේ සුබපැතුම්.
ස්තුතියි,
සුරේන් ප්‍රනාන්දු
ප්‍රධාන විධායක නිලධාරී – MAS සමූහ ව්‍යාපාරය
