MAS Holdings, 2024 පැරිස් ඔලිම්පික් උළෙලට සහභාගී වන ශ්රී ලංකා කණ්ඩායමේ නිල ඇඟලුම් සහකරු ලෙසින් කටයුතු කරන බව පසුගියදා කොළඹදී පැවති විශේෂ උත්සවයකදී නිවේදනය කරන ලදි. ඔලිම්පික් තරඟ සඳහා සහභාගී වන ක්රීඩක ක්රීඩිකාවන් වෙත නිල වශයෙන් එම ක්රීඩා ඇඟලුම් කට්ටල භාර දීමද එහිදී සිදු විය. ඊට අමතරව මෙම උත්සවයේදී හෙට දවසේ ඔලිම්පික් තරඟ නියෝජනය කිරීම වෙනුවෙන් තරුණ මලල ක්රීඩක ක්රීඩිකාවන් හඳුනාගැනීම, සංවර්ධනය හා සහයෝගය ලබා දීම අරමුණු කොට ගත් MAS මලල ක්රීඩා පුහුණු ඇකඩමිය දියත් කිරීමද සුවිශේෂ කරුණක් විය.
